ସେବାଦର୍ଶନ କାର୍ଯ୍ୟକ୍ରମ

ନାଗପୁର, ୨୮/୭: ରାଷ୍ଟ୍ରୀୟ ସ୍ୱୟଂସେବକ ସଂଘ,ନାଗପୁର ମହାନଗରର ଅଜନୀ ଭାଗରେ ସ୍ୱୟଂସେବକମାନଙ୍କ ଦ୍ୱାରା ଅନେକ ପ୍ରକାର ସେବାକାମ ଚାଲୁଅଛି । ସେହି ସେବାକେନ୍ଦ୍ରମାନଙ୍କ ଦ୍ୱାରା ଜୁଲାଇ ୨୭ ତାରିଖରେ ଅନୁଷ୍ଠିତ ହୋଇଯାଇଛି ‘ସେବା ଦର୍ଶନ’ କାର୍ଯ୍ୟକ୍ରମ । ସେବା କାର୍ଯ୍ୟରେ ସାମିଲ ହୋଇଥିବା ପରିବାର ଅର୍ଥାତ ସେବାଦାତା ଏବଂ ଲାଭାର୍ଥି , ସେବା କାର୍ଯ୍ୟରେ ଯୋଗଦେଇଥିôବା ସେବକମାନଙ୍କର ଅନୁଭବ କଥନ ଏବଂ ସକ୍ରାର, ସେବାପାଇଥିବା ବ୍ୟକ୍ତିର ଅନୁଭବ କଥନ ଓ ସଂସ୍କାର ବର୍ଗର ଶିଶୁମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ସେବାଦର୍ଶନ କାର୍ଯ୍ୟକ୍ରମକୁ ରାଷ୍ଟ୍ରୀୟ ସ୍ୱୟଂସେବକ ସଂଘର ମାନନୀୟ ସରକାର୍ଯ୍ୟବାହ ସୁରେଶଭୟାଜୀ ଯୋଶୀ ପ୍ରଦୀପ ପ୍ରଜ୍ୱଳନ କରି ଉଦ୍ଘାଟନ କରିଥିଲେ । ଶ୍ରୀ ଯୋଶୀ ଲୋକ କଲ୍ୟାଣ ସମିତିର କାର୍ଯ୍ୟ ବିଷୟରେ ଉଲ୍ଲେଖ କରି କହିଲେ ଯେ, ସେବାରେ ରୁଚି ରଖିଥିବା ଲୋକ ସମାଜରେ ଅନେକ ଅଛନ୍ତି । ସେମାନଙ୍କୁ ମାର୍ଗ ଦର୍ଶନ ଦେଲାବାଲା ଆବଶ୍ୟକ ଅଛି । ପ୍ରାମାଣିକ ସ୍ୱରୂପ ସେବା କରୁଥିବା ଲୋକ ସେମାନଙ୍କୁ ମିଳୁ ବୋଲି ସମସ୍ତଙ୍କର ଇଛା । ନିସ୍ୱାର୍ଥ ସେବାଦ୍ୱାରା  ବିଭିନ୍ନ ସମସ୍ୟା ଦୂର ହୋଇଥାଏ । ଛୋଟ ଛୋଟ  କଥା ଶିଖିବା ଦ୍ୱାରା ପରିବର୍ତନ ଆସିଥାଏ । କଷ୍ଟ କାର୍ଯ୍ୟ ମଧ୍ୟ ସହଜ ହୋଇଯାଏ । ସେବା ଦ୍ୱାରା ଅନ୍ୟମାନେ ମଧ୍ୟ ପରିସ୍ଥିତିକୁ ସହଜରେ ବୁଝି ପାରିଥାନ୍ତି । ସେବାକାମ କରିବା ସମୟରେ ପରିସ୍ଥିତି ଓ ମନସ୍ଥିତିକୁ ବୁଝାଇ ଆଗକୁ ଆଗେଇବାକୁ ହେବ । ସେବାକାର୍ଯ୍ୟ କରିବା ଦ୍ୱାରା ପ୍ରତ୍ୟକ୍ଷ ଅନୁଭବ ହୋଇଥାଏ । ପ୍ରତ୍ୟକ ମନୁଷ୍ୟ ଇଶ୍ୱର ସ୍ୱରୂପ ବୋଲି ଆମର ମାନ୍ୟତା ରହିଛି । ନରସେବା ନାରାୟଣ ସେବା । ଆଗାମୀ ଦିନମାନଙ୍କରେ ମଧ୍ୟ   ସକରାତ୍ମକ ଓ ନିସ୍ୱାର୍ଥପର ସେବା କରିବାକୁ ହେବ । ଏହାଦ୍ୱାରା ଅଧିକରୁ ଅଧିକ ସମାଜ ଯୋଡି ହୋଇ ରହିବ । ଭାଷଣ ଦେଲେ ବା ଅଧିକ କଥା କହିଲେ ସେବା କାମ ହୁଏ ନାହିଁ, ପ୍ରତ୍ୟକ୍ଷ ଅନୁଭବ ନେବା ହେଉଛି ସେବାକାର୍ଯ୍ୟ ।
ଅଜନୀ ଭାଗ ଅନ୍ତର୍ଗତ ହନୁମାନ ନଗର, ରାମେଶ୍ୱରୀ ନଗର, ଓମ୍କାର ନଗର ଏବଂ ନରେନ୍ଦ୍ର ନଗରରେ ଶିକ୍ଷା, ସ୍ୱାସ୍ଥ୍ୟ, ସ୍ୱାବଲମ୍ବନ ତଥା ସଂସ୍କାର କେନ୍ଦ୍ର  ଆଦି ସେବାକାମ ସମାଜର ସହଯୋଗରେ ନିସ୍ୱାର୍ଥ ଭାବରେ ସଫଳତା ପୂର୍ବକ ଚାଲୁଅଛି । ନରେନ୍ଦ୍ର ନଗରରେ ୭ ପ୍ରକାର ସେବାକାମ  ଚାଲୁଅଛି । ଆୟୁର୍ବେଦ, ଏଲୋପାଥି, ହୋମିଓପାଥି ଚିକିତ୍ସା ଓ ବ୍ଲଡ ଗ୍ରୁଫ ଯାଂଚ ଶିବିରମାନ ଅନୁଷ୍ଠିତ ହେଉଅଛି । ୧୨ ଜଣ ଅଭିଜ୍ଞ ଚକିତ୍ସକ ରୋଗୀମାନଙ୍କର ଚିକିତ୍ସା କରି ମାଗଣାରେ ଔଷଧ ବିତରଣ କରୁଛନ୍ତି । ଏହି ସବୁ ସ୍ୱାସ୍ଥ୍ୟ ପ୍ରକଳ୍ପ ମାଧ୍ୟମରେ ପ୍ରତିବର୍ଷ ୬୫୦୦ ରୁ ୭୦୦୦ ଲୋକ ସୁବିଧା ପାଉଛନ୍ତି । ସ୍ୱାବଲମ୍ବନ ପାଇଁ ପ୍ରଭୂନଗରରେ ନିବେଦିତା ସିଲାଇ ପ୍ରଶିକ୍ଷଣ କେନ୍ଦ୍ର ଚାଲୁଅଛି । ଶିକ୍ଷା କ୍ଷେତ୍ରରେ ଝୋଲା ପୁସ୍ତାକାଳୟ ଏବଂ ସଂସ୍କାର କେନ୍ଦ୍ରମାନ କାର୍ଯ୍ୟ କରୁଛି ।
ଏହି ସେବା ଦର୍ଶନ କାର୍ଯ୍ୟକ୍ରମରେ ବିଦର୍ଭ ପ୍ରାନ୍ତର ସଂଘଚାଳକ ମାନନୀୟ ରାମଜୀ ହରକରେ, ନାଗପୁର ମହାନଗର ସଂଘଚାଳକ ମାନନୀୟ ରାଜେଶ ଜୀ ଲୋୟା ପ୍ରମୁଖ ଯୋଗଦେଇ ମାର୍ଗଦର୍ଶନ କରିଥିଲେ ।

ସଂପୂର୍ଣ୍ଣ ବିଶ୍ୱ ଆମର ପରିବାର : ଇନ୍ଦ୍ରେଶ କୁମାର

ଭୁବନେଶ୍ୱର,(ଭିସାକିଓ),୨୪/୭ :  ସଂପୂର୍ଣ୍ଣ ବିଶ୍ୱବାସୀ ସଂଘର ନିଜର ଅଟନ୍ତି, ରାଷ୍ଟ୍ରୀୟ ସ୍ୱୟଂସେବକ ସଂଘ ପ୍ରତିଷ୍ଠା ଦିନ ଠାରୁ ଆଜି ପର୍ଯ୍ୟନ୍ତ ଏଇ ବିଚାର ନେଇ  ଆଗେଇ ଚାଲିଛି ।  କୈଣସି ଜାତି, ଧର୍ମ, ପନ୍ଥ, ସଂପ୍ରଦାୟ ଲୋକମାନଙ୍କ ପାଇଁ ସଂଘ ଶତ୍ରୁ ନୁହେଁ । ସଂଘ ପାଇଁ ସମସ୍ତେ ମିତ୍ର ଅଟନ୍ତି । ଆମେ ମଧ୍ୟ ଅନ୍ୟମାନଙ୍କ ଠାରୁ ଏହି ଆଶା କରୁଛୁ । ତେବେ ଯାଇ ଭାରତ ଏକ ହେବ, ଶ୍ରେଷ୍ଠ ହେବ । ଆମେ କାହାରିକୁ ଶତ୍ରୁ ବୋଲି ଭାବି ନାହୁଁ  ଏବଂ ଇତିହାସ ଏହି କଠିନ ସତ୍ୟର ସାକ୍ଷୀ ଅଟେ । ବସୁଧୈବ କୁଟୁ୍ମ୍ଭକମ୍ ଆମର ମୂଳ ଧାରଣା ଅଟେ । ସଂପୂର୍ଣ୍ଣ  ବିଶ୍ୱ ଆମର ପରିବାର । ଏହି ମୌଳିକ ବିଚାରକୁ ନେଇ ଆମେ କାର୍ଯ୍ୟ କରୁଛୁ,ଭେଦଭାବ ଶୂନ୍ୟ ସମାଜ ସ୍ଥାପନା ଆମର ଉଦ୍ଦେଶ୍ୟ ବୋଲି ରାଷ୍ଟ୍ରୀୟ ସ୍ୱୟଂସେବକ ସଂଘର କାର୍ଯ୍ୟକାରିଣୀ ସଦସ୍ୟ ଇନ୍ଦ୍ରେଶ କୁମାର ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି ।
ରାଂଚିର ହୋଟେଲ ଚାଣକ୍ୟ ଠାରେ ହିନ୍ଦୁ ଜାଗରଣ ମଂଚ ଦ୍ୱାରା ଆୟୋଜିତ ଏହି ସାମ୍ବାଦିକ ସମ୍ମିଳନୀରେ ଇନ୍ଦେଶ କୁମାର କହିଲେ ଯେ,ସମସ୍ତ ଭାରତୀୟଙ୍କ ପୂର୍ବଜ ଏକ ଅଟନ୍ତି । ଭାରତରେ ବସବାସ କରୁଥିବା  ସମସ୍ତ ଅଧିବାସୀ ହିନ୍ଦୁ ଅଟନ୍ତି । ଭାରତର ସୁରକ୍ଷା ଏହାର ସାମାଜିକ ଏକତା ଉପରେ ନିର୍ଭର କରେ  । ଏହି ଏକତ୍ୱ ଭାବନାରେ ଦେଶ  ସୁରକ୍ଷିତ ରହିବ । ଏଥିପାଇଁ ସମସ୍ତ ଦେଶବାସୀ ନିଜ ଭିତରେ ଥିବା ମତଭେଦକୁ ଭୁଲି ଦେଶକୁ ପୁର୍ନବାର ବିଶ୍ୱଗୁରୁ କରିବା ସହିତ ପରମବୈଭବଶାଳୀ କରିବା ଲକ୍ଷ୍ୟରେ ଏକାଠି ହୋଇଯିବା । ରାଷ୍ଟ୍ରୀୟ ସ୍ୱୟଂସେବକ ସଂଘ ବ୍ୟକ୍ତି ନିର୍ମାଣରୁ ରାଷ୍ଟ୍ର ନିର୍ମାଣ ଉଦ୍ଦେଶ୍ୟରେ କାର୍ଯ୍ୟ କରୁଛି । ଆମର କୌଣସି ବ୍ୟକ୍ତିଗତ ଉଦ୍ଦେଶ୍ୟ ନାହିଁ । ପରନ୍ତୁ ରାଷ୍ଟ୍ରହୀତ ସର୍ବପରି । ଭାରତରେ ବସବାସ କରୁଥିବା ଲୋକ ନିଜକୁ ଭାରତୀୟ ରୂପେ ପରିଚିତ କର ,ଭାରତୀୟତାକୁ ସ୍ୱୀକାର କର, ଭାରତକୁ ଭଲ ପାଅ  । ଏହି ବିଚାର ନେଇ ସମାଜକୁ ସଂଗଠିତ କରିବାକୁ ହେବ ।
ଶ୍ରୀ ଇନ୍ଦ୍ରଶ ଜୀ କହିଲେ ଯେ,ହିନ୍ଦୁ ସାମ୍ପ୍ରଦାୟୀକତା ନୁହେଁ । ମାନବୀୟତାର ସୂଚକ ଅଟେ । ହିନ୍ଦୁ କୁ ଛାଡିଦେଲେ ଆଉ କୌଣସି ଧର୍ମ ଧର୍ମ ନିରପେକ୍ଷତା ନୁହେଁ । ହିନ୍ଦୁ ଧର୍ମରେ ବିଶ୍ୱ କଲ୍ୟାଣର ବୀଜ ନିହିତ ଅଛି । ବିଶ୍ୱର ସବୁ ସଂକଟର ସମାଧାନ ଆମର ଧର୍ମରେ ରହିଛି । ହିନ୍ଦୁ ଧର୍ମ ଦର୍ଶନ, ଜୀବନ ପଦ୍ଧତି ଦ୍ୱାରା ମାନବ ସଭ୍ୟତା  ରକ୍ଷା ହୋଇ ପାରିବ । ଏହାର ପଛରେ ଐତିହାସିକ କାରଣ ରହିଛି । ବିଶ୍ୱର ସବୁ ଧର୍ମର ଇତିହାସକୁ ସମସ୍ତେ ପଢିବା ଉଚିତ । ଆଜି ପର୍ଯ୍ୟନ୍ତ ଧର୍ମ ଇତିହାସରେ ଶାନ୍ତି, ସହିଷ୍ଣୁତା, ଅହିଂସା ଏବଂ ଧର୍ମନିରପେକ୍ଷତାର ବାସ୍ତବିକ ପରିଚୟ କେବଳ ଆମେ ହିଁ ଦେଇଛୁ । ଆଜି ନ ହେଲେ ବି କାଲି ସଂପୂର୍ଣ୍ଣ ବିଶ୍ୱ ଏହି କଠୋର ସତ୍ୟକୁ ସ୍ୱୀକାର କରିବାକୁ ପଡିବ । କାହାରି ଅନିଷ୍ଟ ଏବଂ ଅପମାନ କରିବା ଭାରତୀୟମାନଙ୍କର  ମନରେ ନାହିଁ । ଏହି ସିଦ୍ଧାନ୍ତକୁ ଆମେ ଏବଂ ଆମର ପୂର୍ବଜମାନେ ପ୍ରମାଣ କରି ଦେଖାଇଛନ୍ତି । ସଂଘ ମଧ୍ୟ ଏହି ପଥରେ ସଦାସର୍ବଦା ଚାଲୁଅଛି । ସମରସତା ସମାଜ ନିର୍ମାଣ ସଂଘର ଉଦ୍ଦେଶ୍ୟ ଅଟେ ବୋଲି ଶ୍ରୀ ଇନ୍ଦ୍ରେଶ ଜୀ ପ୍ରକାଶ କରିଛନ୍ତି ।